എനിക്ക് പറയാനുള്ളത്
എല്ലാം
നിശബ്ദമായി കേള്‍പ്പു
ഇടറിയ കാലൊച്ചകള്‍
മുറിയുന്ന ഗദ്ഗദങ്ങള്‍
പതറിയ സ്വരങ്ങള്‍
അലറുന്ന നോവുകള്‍
കേള്‍ക്കാം എല്ലാം ഒന്നിച്ച്
പക്ഷെ എനിക്ക് പറയാനുള്ളത്
മറ്റൊന്നായിരുന്നു
ഒരിക്കലും വിരുന്നു വരാത്ത
വിശപ്പിനും
സ്വാഗതമോതാത്ത സ്വപ്നത്തിനും
ഞാന്‍ വഴിമാറി കൊടുത്തീട്ടില്ല
കാലം കയ്യിലോതുക്കിയ
യാഥാര്ത്യങ്ങളെ
നെഞ്ചോടടക്കിയതെ ഉള്ളു
പാതിവെന്തു ചവച്ചിറക്കിയ
സത്യങ്ങള്‍ ദഹിക്കാതെ
തികട്ടി വരികയാണ്...
ഇപ്പോഴും
എന്നീട്ടും ഞാന്‍ പറഞ്ഞത്
മറ്റൊന്നായിരുന്നു
പ്രിയ സാലിമോന്‍,
ReplyDeleteബ്ലോഗിന്‍റെ പേര്‍ നന്നായിരിക്കുന്നു.നിങ്ങള്‍ കുറിച്ചിട്ട
തോന്ന്യാക്ഷരങ്ങളും.നല്ല തുടക്കം!!!
താങ്കളുടെ സന്ദേശങ്ങളും,കവിത ശകലങ്ങളും പലപ്പോഴും
ഈയുള്ളവന്‍ കടമെടുക്കാറുണ്ട്‌.എഴുതുക...വീണ്ടും!!!
താങ്കളുടെ ഈ ബ്ലോഗ്‌ എഴുത്തിനു ആയിരമായിരം ആശംസകള്‍!!!
ഷിഹാദ് മുഹമ്മദ്‌