Thursday, February 20, 2014

ഫെബ്രുവരി പതിനാല്


ഇന്ന് ഫെബ്രുവരി പതിനാല് 
ഇന്നാണത്രേ പ്രണയദിനം 

നീ അറിഞ്ഞില്ലെങ്കിലും
നിന്നോടുള്ള പ്രണയം 
ഇപ്പോഴും ഒടുങ്ങാതെ 
മിടിക്കുന്നുണ്ടുള്ളിൽ 

എന്നെ പ്രണയിച്ചിട്ടും
നിനക്കൊരു കവിത പോലും 
എഴുതാനാവുന്നില്ലേടാ 
എന്ന് അവൾ .
അന്ന് അവൾക്കു വേണ്ടി 
ഞാൻ എഴുതിയത് പോലൊരു 
പ്രണയ മഹാ കാവ്യം 
പിന്നീടു ഒരിക്കൽ പോലും 
വീണ്ടും എഴുതാൻ തോന്നിയിട്ടില്ല .

പക്ഷെ ,
ഞാൻ എഴുതിയ കവിതകളെല്ലാം 
പൈങ്കിളി ആണെന്ന് അവൾ 
വെട്ടി തിരുത്തലുകൾക്കൊടുവിൽ 
ബാക്കിയായത് വിരഹം മാത്രം .

ചുരുട്ടി കൂട്ടി വലിച്ചെറിഞ്ഞത് 
അവളുടെ മുഖത്തേക്കായിരുന്നു 
തിരിച്ചു നടക്കുമ്പോൾ 
ഒരു പിൻ വിളി പ്രതീക്ഷിച്ചിരുന്നു 
കവിതേ ..
നീ പോലും ....!

ഈ കാമുകൻമാരെന്നും 
വിഡ്ഢികൾ ആകുന്നതെന്തുകൊണ്ടാണ് ?

ഇന്നു എഴുതാനിരിക്കുമ്പോൾ 
എനിക്കറിയാം ,
പ്രണയമേ നീയെന്റെ കൂടെയില്ലെന്നു 
കവിതേ ..
നീയും .

1 comment: